WATANZANIA WATAKIWA KUACHA KUNYWA POMBE WANYWE MAZIWA

Mgeni rasmi wa kilele maadhimisho ya 17 ya wiki ya kuhamasisha kunywa maziwa nchini, Waziri wa Mambo ya Ndani ya Nchi, Dkt. Emmanuel Nchimbi, (katikati) na Mkuu wa wilaya ya Songea Bw. Joseph Mkirikiti (kushoto) na Mwenyeketi wa baraza la wadau wa wasindikaji wa maziwa Dkt. Ruth Lyoba (kulia) wakiangalia burudani ya ngonjera toka wanafunzi wa Shule Msingi Mbulani (hawapo pichani) katika viwanja vya Manispaa ya Songea leo (1.6.2013)



                                  

Na Nathan Mtega,Songea

 JAMII nchini imetakiwa kujenga utamaduni wa kunywa maziwa badala ya kutumia fedha nyingi kwenye unywaji wa pombe ambao hauwashirikishi watoto ambao wanakosa lishe bora kwa sababnu baadhi ya wazazi wamekuwa wakutumia fedha nyungi kwenye ulevi  na kuwasahu watoto wao.

 

 Akizumngumza kabla ya mgeni rasmi kwenye kilele cha maadhimisho ya wiki ya maziwa yaliyofanyika kitaifa mjini Songea mkoani Ruvuma mwenyekiti wa baraza la wadau wa usindikaji wa maziwa Dkt.Luth Ryoba alisema kuwa maadhimisho hayo ni ya 17 tangu yaanzishwe mwaka 1998 na kuwa kipindi hicho ilionyesha kuwa kila mtanzania mmoja anakunywa maziwa kiasi cha lita 21.5 kwa mwaka na imepanda hadi na kufikia mtanzania  mmoja anakunywa lita 45 kwa mwaka huku kiwango kinachotakiwa kila mmoja afikishe lita 200 kwa mwaka.

Alisema kuwa hali hiyo inaonyesha kuwa kasi ya wananchi kunywa maziwa bado ni ndogo hivyo kunahitajika jitihada za makusudi ili kuwafanya wananchi kuona umuhimu wa kila mmoja kunywa maziwa kwa sababu maziwa ni lishe na ufugaji bora wa n g’ombe wa maziwa unaboresha kipato kwa kila mwananchi na taifa kwa ujumla na huboresha afya ya mlaji wa maziwa bora yaliyosindikwa kwa ustadi mzuri wa kuzingatia kanuni za afya.

 Akizungumza kwenye kilele hicho cha maadhimisho ya kumi na saba ya wiki ya maziwa nchini Waziri wa mambo ya ndani ya nchi na mbunge wa jimbo la Songea mjini Emmanuel Nchimbi elimu alizitaka mamlaka mbali mbali kuendelea kutoa elimu ya usindikaji wa maziwa ili yaweze kushindana kwenye soko nla ndani na nje kwa ajili ya manufaa ya wasindikaji na taifa kwa ujumla.

 Alisema kuwa maziwa mbali ya kuwa ni moja kati ya vyanzo vya mapato kwa wafugaji lakini pia ni chakula muhimu kwa kila mmoja kwa ajilki ya kuboresha afya hivyo ni vyema kila mmoja akajenga utamaduni wa kunywa maziwa zaidi kwa sababu mpaka sasa kiwango cha watu kunywa maziwa ni kidogo ikilinganishwa na idadi ya ng’ombe wa maziwa waliopo nchini pamoja na kuwa idadi ya ng’ombe wa kienyeji na wa maziwa.

 Akizungumzia kuhusu uhaba wa ng’ombe wa maziwa nchini alisema kuwa serikali inaendelea kukabiliana na changamoto hiyo kwa kuongeza jitihada kwenye upatikanaji wa vifaa vya kuwawezesha wataalamu wa mifugo nchini ikiwa ni pamoja na ifugaji bora kwa ng’ombe bora ambao wakifugwa na kutunzwa ipasavyo huweza kutoa maziwa mengio yenye ubora zaidi.

 Aidha aliwataka wananchi wa vijiji vyenye ng’ombe wa maziwa wajiunge kwenye vikundi ili iwe rahisi kuwafikia na kuwasaidia kimafunzo na halmashauri husika zigharamie gharama za nafunzo hayo ikiwa ni pamoja kuongeza vifaa vya uhamilishaji wa ng’ombe ili waweze kutoa maziwa mengi.